Təhsili Azərbaycan Dövlət Tibb Universitetində başlayıb, 2000–2005-ci illərdə Almaniyanın Frankfurt-Maynda yerləşən İohann Volfqanq Höte Universitetinin Tibb fakültəsində davam edib.
2007–2012-ci illərdə Rusiya Xalqlar Dostluğu Universitetinin (RUDN) Travmatologiya və Ortopediya kafedrasında klinik ordinatura və aspiranturasını başa vurub, 2012-ci ildə bud-çanaq oynağının endoprotezləşdirilməsində proksimal fiksasiyalı komponentlərin klinik-anatomik əsaslandırılması mövzusunda dissertasiya müdafiə edib.
2010–2013-cü illərdə Moskvada "Klinika №1" xəstəxanasının Travmatologiya və Ortopediya şöbəsinə rəhbərlik edib.
2013-cü ildən Əziz Əliyev adına Azərbaycan Dövlət Həkimləri Təkmilləşdirmə İnstitutunun Travmatologiya və Ortopediya kafedrasında assistent kimi çalışır.
